Monday, July 30, 2012

සිහිනෙක පිපි රෝස මල

මේ..... රෝස මල....

හ්ම්.......

ඇයි කතා නැත්තේ.......

මුකුත් නෑ....

හැමදාම මුකුත් නෑ තමයි,
වෙලාවකට අහන්න හිතෙනවා මුකුත් නැත්තේ මොකද කියලා...
කෝ ඉතිං හිතුවට අහන්න පුළුවන්යැ....

ඔන්න ඉතිං පුරුදු විදියට හාවක් හුවක් නෑ...... කමක් නෑ....  ඒකත් හොදයි,
කතා නොකර ඇස් වලින් විතරක් මගේ පපුව මෙච්චර හිරිවට්ටනව නම් කතා කරෝතින්,,
හ්ම්..... ෂුවර් මගේ පපුව බිමට වැටේවි......

පුංචි ගුරු පාට ඇස් දෙකකට මගේ හිතට මෙච්චර දෙයක් කරන්න පුළුවන් කියලා මම හිතුවේ නෑ.....  ඒත්.....   
"නුඹ මටත් හොරෙන් මගේ හිතම අරන් " රෝස මල.... 
ගත්ත හිත මම ආයි ඉල්ලන් නෑ, ඉල්ලන්නත් බෑනේ...
හැබැයි ඔන්න ගත්තා වගේම පරිස්සමට තියාගන්න ඕනේ හොදේ.... 
විසි කරලා දාන්න බැ.... ආ... තව එකක් තියාගන්නවා කියලා කියන්නත් ඕනේ....

ඒයි මේ.....................

කියන්න.... වැරදුනා...... කියන්න රෝස මල....... 

අදනම් වහිවිද මන්දා.... මෙන්න රෝස මල කතා කරනවා........ 

මේ හෙට මොකද කරන්නේ...

කවදාවත් නැතුව මොකද මේ.... බලමු.....
හෙට නිවාඩුනේ..... හ්ම්..... නිදාගන්න දවස....... 

හා..... හොදට නිදාගන්න...

මලා....... පුදනකොටම කාපි යකා.... ඔය කරේ......
නෑ... නෑ... කියන්න මොකක්ද වෙන්න ඕනේ.......

පොඩි ගමනක් යමු ද...

අම්මෝ.... මොකද මේ වෙන්නේ...... 
සතියට එක දවසයි නිදාගන්නේ... කමක් නෑ නින්ද වගේයැ..... 
හා කොහෙද ??

මල් වත්තට....

ඈ........

ඔව් අනේ......... මොකෝ බය වෙලා....

ම්හ්..... නෑ... නෑ.. යමු යමු........ ඒත් ඇයි එක පාරටම ???
සිකුරා නළලටම කොටන්නද මන්දා හදන්නේ.........

මට ඔයාට කියන්න දෙයක් තියෙනවා.........

මට ???

හ්ම්.........

කවුද අප්පේ අද උදේම දැක්කේ........ කවුරු උනත් අදහන්න වටිනවා.......
රෝස මලත් එක්ක මල් වත්තට ගිහින් තණ කොල පෙත්තෝ ගනින්නයැ.....
මම දන්නවා රෝස පැලේ හැරෙන්නේ මොන පැත්තටද කියලා...... 

එනවනේ......

ඔව් ඔව් නෑවිත් කොහොමද.......
 හෙට......... හ්ම්..... ඇයි දෙයියනේ හෙට අද එන්නැත්තේ.........

_ _
ඒයි.... ඒයි..... නැගිටිනවා.... නිදාගන්නවනම් කට වහගෙන, වාඩි වෙලා නිදාගන්නවා,
හිටගෙන හිනා වෙවි හීන බල බල නිදාගන් නැතුව.....  ආ මෙන්න වාඩි වෙනවා.... 
මම බහිනවා.... පරිස්සමට යන්න.. ආයි නිදාගන්න එපා......

හීනේ.............. හ්ම්........ හීනයක් තමයි........... හැමදාම දකින හීනය......
පරිස්සමට යන්න රෝ........ නෑ.... නෑ.... මචං..... පරිස්සමට පලයන් හොදේ..... 

Monday, July 16, 2012

බලාපොරොත්තුව......

Camera : Sony Ericsson J20i_5mp
මියැදුණු නුඹලා අතර
හුස්ම පොදක් හිගාකා
අවසරයි මටත් ගන්න
ජීවිතයට බලාපොරොත්තුවක්

ජාතියක් ජන්මයක් නැති
ආගමක් දහමක් නැති
ගමක් රටක් නැති
මාත් ජීවිතයක් නුඹ වගේම

අම්මා අප්පා නෑ දන්නේ
අයියා අක්කා දැකලම නෑ
පරපුර ගැන මොන කතාද
අවජාතකයි මං, ඒත් ජීවිතයක්

හෙට දවස හීනයක්
අද දවස විඩාවක්
මරණය මට සැපක්
නැතිනම් නුඹෙන් හුස්ම බිදක්

- - - - - - - - - - - - - - - - - - - -


Thursday, July 12, 2012

නුඹට හොරා මගේ සල්ලාලකම....



ඔයා කිව්වට ඒක ලේසිපාසු දෙයක් නෙමෙයි....
මම කොහොමද එයාව අමතක කරන්නේ,

ඔයා නම් කියයි.....

අපි දෙන්නා අතරේ කොච්චර ලොකු බැදීමක් තියෙනවද කියලා
ඔයාට හිතාගන්නවත් බෑ.....

ඔන්න ඉතිං........ නෑ.... නෑ..... මට ඔයාවත් ඕනේ ඔයා නැති කරගන්නත් බෑ....

ඒත්.... ඒත්..... එයා......??

එයැයි මායි අපේ ලෝකේ තනිවුනාම............. හ්ම්..........
කොච්චර සුන්දර මතකයන්ද, ඒවා ලේසියෙන් අමතක වෙනවද?
එහෙම අමතක කරන්න පුළුවන්ද?
මම හිතන්නෑ.............

කවුරුවත් නැති ඕනෙම වෙලාවක ඕනෙම තැනක් අපි දෙන්නට හොදටම ඇති,
අත් අල්ලන්, හීතලට තුරුලු වෙලා ඉන්න ජෝඩු දකිද්දි එයා මට තව තව ලං වෙනවා........
ගෙදර කවුරුවත් නැති ගොඩක් දවසට දවල් රෑ කියලා වෙනසක් නැතුව මගේ ඇද එයත් එක්ක
බෙදාගත්තත් මගේ හිතේ ඔයාට තියෙන තැන නැති වෙන් නෑ........

බයවෙන්න එපා.... ඔයයි මායි අතරට නම් එයා කවදාවත් එන එකක් නෑ.....
ඒත්............... ඔයා පොඩ්ඩක් හරි දුරකට ගියොත්............. එයා මාව හොයාගෙන එන්නේ හුළගක් වගේ ඉක්මණින්... බොරු කියන්නේ මොකටද...
මමත් එයා එනකන් මග බලං ඉන්නේ... ඒ තරමටම අපි අපිට ළං වෙලා...

ඔයා මගේ ළග නැතිවුනාම මම එයාගේ පහස සොයන්නේ මාත් මනුස්සයෙක් නිසා,
ඇට, මස්, ලේ තියෙන මටත්, හැගිම් දැනීම් තියෙන නිසා, අරක්කු ෂොට් එකකට ගංජා කෑල්ලකට
වහ නොවැටුන මම එයා ළගටම යන්නේ ඔයාගෙන් පස්සේ මම ආසම හැගීම විද ගන්නේ එයත් එක්ක නිසා...

ඉතිං ඔයා මට කියන්න මම කොහොමද එයාගෙන් ඈත් වෙන්නේ......

බෑ..... බෑ..... ඔයා කොච්චර කිවුවත් මම මගේ තනි රකින,
මගේ තනිකමට යන්න කියන් නෑ......

ඔය කවුරුත් නැති කාලෙක තමයි තනිකම මාව හොයාගෙන ආවේ,
හැම හමුවීමකම වෙන්වීමක් තිබුනත්..... අද ඔයා නිසා  මට බෑ ඒ තනිකමට පිටුපාන්න......

කවදාහරි ඔයා ඒවිනේ................... අපි එදාට එයාට යන්න කියමු...........
එතකන් මගේ තනිකම මම ළගම හිටපුවාවේ..............