Saturday, April 28, 2012

අපේ ගමේ තැන් - 2

මාඩාට වැඩියෙන් ප්රතිචාර ආපු ලිපියේ දෙවෙනි කොටස තමයි අද මේ ලියන්න හදන්නේ...
ආයිමත් යනවනම් පලවෙනි ලිපියට මේන් පාර -

අපේ ගමේ තැන් - 1 (ගලගොඩ පන්සල / කරන්දෙණිය පන්සල)

මේ අද එක,

සිත නිවන, ගත දවන, පෙම් කෙලින අම්බලන්ගොඩ බීච් පාක්

මුහුද...... කොච්චර බැලුවත් ඇති වෙන්නැති, ලංකාවේ කොයි කොනේ හිටියත් එක පාරක් හරි එන්න කැමති තැනක් තමයි.. දුපතක් උන අපේ රටට මුහුද කියන්නේ දරුවෙක්ට තාත්තා කෙනෙක් වාගේ දෙයක්.. අපේ වැරැද්දකට තාත්තා කොච්චර ගැහැවුවත් අපි තාත්තා එකක් තරහා නෑ වගේ මුහුදෙන් මොන කරදර ආවත් තාමත් මුහුද අත් ඇරපු කෙනෙක් මම දන්න තරමින් නෑ... අද කියන්නේ මේ මුහුදේ අසිරිය විද ගන්න පුළුවන් අපේ ගමේ තියෙන එක තැනක් ගැන,

කුරුදුගහ පිවිසුමෙන් ඇවිත් අම්බලන්ගොඩට වැටෙන තැන (ධර්මාශෝක විද්‍යාලය අසල) කෙලින්ම ඉස්සරහ පිට්ටනියත් එක්ක තියෙන පාරෙන් ගියාම මේ කියන තැනට ගොඩක් ලේසියෙන් යන්න පුළුවන්..

කොළඹ - ගාල්ල (A2) පාරෙන් එනවනම්, අම්බලන්ගොඩ පොලීසිය පහුවෙලා අංශක 90 ක විතර වංගුවක් තියෙනවා එතනින් දකුණට දාලා සුවන හොස්පිට්ල් එකත් එක්ක තියෙන පාරෙන් එන්න ඕනේ.
 





රතු පාටින් හයිවේ එකේ එනවනම් පාර, නිල් පාටින් A2 එකෙන් එනවනම් පාර. 
සිතියම් කෑල්ල උඩ ඔබලා ලොකු කර ගන්න පුළුවන්.. 


කෙල්ලත් එක්ක වලියක් දාගත්තාම, මනෝ පාරක් දා ගෙන පාවි පාවි ඉන්න වගේම, දවසේ තියෙන පට්ට බිසියෙන් ටිකක් නිදහස් වෙන එක හවස් කරේ මේ තැනට ආවොත් ගොඩක් හොදට කරගන්න පුළුවන්... ඈත කොනක ඉර බහින හැටි බලාගෙන, මුහුදු හුළං පාරක් විද ගෙන සනීපෙට ඉන්න පුළුවන්... කඩල කාරයෝ, බැලුම් කාරයෝ වගේම කාක්කොත් නැති නිසා පුදුම නිදහසක් තියෙනවා.. 

කොහොමද සනීපේ... මේ මාත් එකක් පොටෝ කෑලි ටික ගන්න ගිය එකා, මම වැඩේ කරන් එනකම්ම මු කරේ මල් කඩපු එක.

ඔය ඈත පෙන්නේ ගෙදවාන ගල, කාලයක් කුරුළු අභය භුමියක් වෙලා තිබුන කිව්වට, හරියටම ඔප්පු කරන්න සාධක නම් නෑ..  ඒත් මුහුදු ලිහිණි කුඩු හදන්න අදටත් ඔය ගලට එනවා.. ඒ කාලේට මුලු ගලම සුදු පාටයි. නිතරම ලිහිණි වටේට පියාඹ පියාඹ තමයි ඉන්නේ, මුහුදු බෙල්ලෝ යහමින් තියෙන තැනක් විදියට ඔතන ගොඩක් ප්රසිද්ධයි.

 
කාටවත් වදයක් වෙන් නැති විදියට අඩියක් එහෙම ගහන්නත් මෙතන සුපිරි, පවනේ ගහන්න පුළුවන්නේ ඒකයි... හැබැයි.... මේ හරියේ නාන්න නම් යන්න එපා... කොච්චර පළපුරුදු උනත් මෙතන නාන්න එපා... නාන්න තව තැන පස්සේ දාන්නම් කො.. ඒත් මෙතන නම් එපා.. නාන්නේ නැතිව ඕන ආතල් එකක් ගන්න පුළුවන්... 


පොඩි ළමයි එකක් උනත් ඇවිත් අවුලක් නැතිව සතුටු වෙන්න පුළුවන්... වගේම 10-15 ක සෙට් එකකට පොඩි පාටියකුත් දාන්න පුලුවන්... හැබැයි ලොකු සද්ද දාන්න එපා.. පුංචියට නම්... කිසි අවුලක් නෑ...

ගොඩ ආපු වැලි කිදුරෙක්...

මේ තැන වැඩියෙන්ම ප්රසිද්ධ තරුණ පෙම්වතුන් අතරේ, උදේ 9 විතර වෙනකොට බංකු ටික බුක් වෙලා ඉවරයි, ඔය කස්ටියටත් අයිනේ තියෙන බංකුවක වාඩියක් දාලා ආතල් එකේ කාගෙන්වත් බාධාවක් නැතුව චැටක් දාන්න නම් මෙතන සුපිරි තැනක්, ඒත් ඉන්න තැන අමතක කරන්න හොද නෑ ප්රසිද්ධ ස්ථානයක් නේ පිළිවෙලට හැසිරෙන්න ඕනේ හොදේ... එනවනම් ඉතිං උදෙන්ම එන්නත් වෙනවා, අපායට ගියත් කලින් යන්න එපැයැ... :D

මේ ඔක්කොමත් එක්ක පිහිටීමේ නම් පොඩි අවුලකුත් තියනවා... කනත්ත එහෙම නැත්තම් සොහොන තියෙන්නේ එක තාප්පෙකින් වෙන වෙලා... මුහුද ළගට ගියාම මුහුද දිහා බලනවා මිසක් ගොඩබිම බලන්නේ නෑනේ.. ඒ නිසා ගොඩක් ලොකු අවුලක් නෑ... අනික ජීවිතේ මාන්දමික වෙලා කියලා හිතලා කවි කතා එහෙම ලියනව නම්, කනත්ත දිහා බැලුවා ලිව්වා.... මෙතන දි ජීවිතෙයි මරණයයි වෙන් වෙන්නේ එක තාප්පෙකින්..... 

කොහොම උනත් නිකමට හරි අම්බලන්ගොඩ ආවොත් මේ තැනටත් ඇවිත් යන්න... හවස් යාමේ එනවනම් ගොඩක් ලස්සනට තියේවි... මේ පොඩි උපදෙස් ටිකක් ඔලුවට දාගන්නකෝ,

බීලා හරි නැතුව හරි කොච්චර වැඩ කාරයෙත් උනත් මෙතන නාන්න යන්න එපා
වීදුරු බෝතල් එහෙම ගෙනෙල්ලා අරගෙන යන්න අමාරු නම් බිදින් නැතුව අයිනකින් තියන්න
අසල්වාසින් එකක් වෙරි මරගාතේ කචල් වලට යන්න එපා
 


එහෙනම් ආයු බෝ....

Thursday, April 26, 2012

ඇස ගිය තැන

වෙසක් පටන් ගන්නකොටම වහිනවා.... එපා වෙනවා...
වහින එක එක්කෝ වැහැපන් හේදිලා යන්න.. මොන උදේ ඉදන් චුරු චුරු ගානවා....
ඒත් මේ අහස් දෙයියෝ 5 වෙද්දි නම් දෙනවා දොඹෙන්, ඇයි යකෝ අපි ගෙදර යන්නේ නැද්ද....
වැඩක් නෑ කතා කරලා...... ස්වභාදහමත් අපිත් එකක් ගෙමටමයි එන්නේ.....

චුරු චුරුව අස්සේ අපේ ඔපීසියේ ගත්ත පොටෝ කෑලි දෙකක් දාන්න හිතුනා,

ඕන්න එහෙනම් බලලා ඉන්න,

ද diමියා

 
නොක්කාඩුවට පසුව ඔබේ වත.......

Monday, April 23, 2012

අපේ ගමේ තැන් - 1 (ඇස නැවතුන තැන් ටිකක්)

මාඩා අවුරුදු කාලේ ගමේ පොඩි කරක් ගැහුවා කියලා මතක ඇතිනේ, ඉස්සෙල්ලා ලිපියෙන් තිබුනේ ඒකේ එක කොටසක්, කලින් ගියේ නැත්තම් මෙන්න පාර,

ඉතිං ඒ පන්සලේ දී මඩා ගත්ත පිංතූර ටිකක් මේ....
පතා ආවෙමි හිමියනේ...


දල්වන්නට පෙර..


ගසේ සිසිල උරුම පොළවටයි...
මිය යන අපි...


දැල් වූ පහන්සිළු එකි නෙක මියදුනා, ළංවු අප දෙතැනක තනි වූනා..

පිපී පරවෙන්නට නුඹේ උර මත අවසරයි....

Friday, April 20, 2012

අපේ ගමේ තැන් - 1

අවුරුදු නිවාඩුවෙන් පස්සේ අද තමයි ඔන්න වැඩ ඇල්ලුවේ,
ඒ අතරේ මාඩා ගේ අම්බලම පටන් අරන් අවුරුද්දකුත් ගෙවිලා ගියා.. 
සෙවනැල්ලක් ලෙස 19 දෙනෙකුත්, මේ වෙද්දි අම්බලමට ගොඩවුන ගණන 1939 ත් විදියට සටහන් කරන්න පුළුවන්. ඒ වගේම අම්බලම 2/4/2012 දින ලාංකීය සිතුවිලි සිංඩියට ඇතුලත් වුනා, සිංඩි ගැන මාඩා දැනුවත් කරපු ගොල්ඩ් fish ට ගොඩක් ස්තුතියි.. ඉතිං මේ හැම දෙයක් එක්කම මාඩා, මේ අවුරුද්දේත් මාඩා ගේ අම්බලමේ ඉන්නවා..... ස්තුතියි අම්බලමේ සෙවනැල්ලක් වුනු, අදහස් දක්වපු, අදහස් නොදැක්කුවත් ගොඩවෙලා ගිය සියළුම දෙනාට.....
-----------------------------------------------------


මේ ළගදි දවසක් ගොල්ඩ් fish අපේ ගම් පලාත පැත්තේ ආවානේ.. ඇවිත් නා කියාගෙන ගිහින් සුපිරි ලිපියකුත් දාලා තිබුනා. ඔය වෙලාවෙදි මාළු යාලුවා මගෙන් ඇහුවා අම්බලන්ගොඩ තව මොනවද බලන්න තියෙන්නේ කියලා, ඒ වෙලාවේ එක පාරට ඔලුවට ආවේ නැතත් අවුරුදු නිවාඩුවේදි හිමින්සැරේ මඩා ඒ ගැන හොයලා බැලුවා.

මෙතන ඉදන් අම්බලන්ගොඩ ගැන පොඩි විස්තර ටිකක් දිග අරින්නයි හදන්නේ, 

අම්බලන්ගොඩ,
දකුණු පළාතේ ගාලු දිසාවේ පිහිටි තවත් එක් නගරයක්.
දකුණු මුහුදු සීමාවේ තිබෙන අනිකුත් නගර හා සැසදීමේදි සුනාමියෙන් අවම ජීවිත හානි සිදු වුනු නගරයක්, අධිවේගී මාර්ගයේ කුරුදුගහ පිවිසුමට ළගම ප්රධාන නගරය ලෙසත් අම්බලන්ගොඩ හදුන්වන්න පුළුවන්.
ඒ වගේම වැදගත්ම දේ තමයි, ඈත අතීතයේ ඉදල මේ වන තෙක්ම කිසිදු අන්‍යාගමික සිද්ධස්ථානයක් අම්බලන්ගොඩ තිබිලා නැ. නගරයේ වෙළදාමෙන් 80% ක් විතර සිංහල මිනිස්සු තමයි පාලනය කරන්නේ..

හරි පරිසර වර්ණනාව ඉවරයි. දැන් අදාල කාරණේට බහිමු,

අම්බලන්ගොඩ බලන්න තියෙන්නේ මොනව ද?

අධිවේගී මාර්ග භාවිතය දැන් සමාන්‍ය දෙයක් බවට පත්වෙලා නිසා කුරුදුගහ අධිවේගි පිවිසුමේ ඉදන් කතාව පටන් ගන්නම්..


ගලගොඩ පන්සල / කරන්දෙණිය පන්සල

කුරුදුගහ පිවිසුමෙන් අම්බලන්ගොඩ පැත්තට එනකොට ඇරව්විල හන්දියෙන් දකුණට හරවපු ගමන් ඇති පාර කෙලින්ම පන්සලට තමයි යන්නේ.. මේ පාරෙන් ගියාම යන වාහනය පන්සල අසලටම ගෙනයන්න පුළුවන්. කුරුදුවතු මැදින් යන මේ පාර ටික දුරක් ගියාම රළු වෙනවා.. ඒත් වාහනයට අවුලක් වෙන තරමටම රළු නෑ ඕං. 

ගල් තලාවක් උඩ තමයි පන්සල ගොඩ නගලා තියෙන්නේ, හැමදේටම වඩා විශේෂම දේ වෙන්නේ පන්සලේ තියෙන සැතපෙන පිළිම වහන්සේ.... දකුණු ආසියාවේ විශාලම සැතපන පිළිමය වෙන්නේ මේ පිළිමය කියලත් කියනවා. කාලෙකට කලින් වල් බිහිවෙලා තිබුන මේ පිළිමය දැන් ප්රතිසංස්කරණය කරන්න පටන් අරන්. මේ සැතපෙන පිලිමයට අමතරව වෙනම බුදු ගෙයක් මෙන්ම මෑතකදි නිර්මාණය කරපු සිදුහත් උපත දක්වන පිලිමෙකුත් පන්සලේ තියෙනවා. 

ප්රතිසංස්කරණය කරමින් පවතින පිළිමවහන්සේ

 සැතපෙන පිලිම වහන්සේ ඉන්න මේ මන්දිරේ තව අපූරු නිර්මාණ කීපයකුත් හදලා තියෙනවා,
ඒ තමයි එළාර - දුටුගැමුණු යුද්ධය. 
 
දුටු ගැමුණු රජු එළාර අවසාන සටනට

දුටු ගැමුණු රජු එළාර අවසාන සටනට

දුටු ගැමුණු මහා රජතුමා
මෙම නිර්මාණ සිදුකර නිර්මාණකරුවා සැතපෙන පිළිම වහන්සේ හා අනෙකුත් බුදු රූප හැර අන් සෑම නිර්මාණයක්ම සමාන්‍ය මිනිසෙකුගේ උසට නිර්මාණය කිරීමට වගබලාගෙන තියෙනවා, ගොඩක් අඩුවෙන් දකින්න තියෙන අවස්ථාවක් තමයි ඒ.. තව දෙයක් නිර්මාණකරු ඔහුගේ සත්‍ය ප්රමාණයේ පිළිමයක් මේ විහාර මන්දිරේ ඇතුලේ හදලා තියෙනවා. 

විහාර මන්දිරයේ අසහාය නිර්මාණකරු
විහාර මන්දිරයේ ඇතුලේ රූප ටිකක් මේ, මේ වගේ පිළිම නෙළන්න කොච්චර ඉවසීමක් කැපවීමක් ඉයෝනිස් උපාසක මහතා ළග තියෙන්න ඇද්ද.....



විහාර මන්දිරෙන් පිටත මුහුද දක්වාම පේන පුළුල් දර්ශණයක් බලාගන්නත් පුළුවන්... 



 පන්සලේ දි ඇස ගැටෙන තැන් ටිකක් තමයි මේ..



වාහනෙන් එන්න අකමැති අය ඉන්නවනම්, අත් අල්ල ගෙන ගල් පඩි නගින්නත් පුළුවන්
අකුරු දාහක් එක රූපෙකින් කියන්න පුළුවන් නේ ඒ නිසා වැඩිපුර පොටෝ කෑලි ටිකක් දැම්මා... වෙලාවක් තියෙන පිංවතුන් එහෙම ඉන්නවනම් ඇවිත් වන්දනා කරලා යන්න එන්න....

Thursday, April 12, 2012

අපේ ලෝකේ

 
ඔයා ඔයාගේ ලෝකෙක
මම මගේ ලෝකෙක
මගේ මුළු ලෝකේම ඔයයි කියපු අපි දෙන්නා
අද ලෝක දෙකක....

හති දාගෙන දුවන ජීවිත තරගෙත් එක්ක
අපිට එක ලෝකෙකට එන්න බැරිද

එකම එක විනාඩියක් අපේ ආදරේ වෙනුවෙන්
කැප කරන්න අපි දෙන්නටම බැරිද

අපිට එච්චරටම වැඩ තියෙනවද
මට ඇත්තම කියන්න ඔයා මට ආදරේ නැද්ද,
නෑ..... නෑ......
අපි දෙන්නම දන්නවා,

අපි අපිට තාමත් ආදරෙයි කියලා....
එහෙනම් ඇයි මේ..........????

පිරිමියෙක් විදියට මම කැමති,
ඔයා මගේ ලෝකෙට එන එකට

මට ඔයාගේ ලෝකෙට එන්න බැරුව නෙමේ ඒත්......
මම කැමති නෑ....

එතකොට ඔයා..
ගතානුගතික පෙම්වතියක් නොවුන නිසා
මම ඔයාට ගොඩාක් ළං වුනා...

ඉතිං ඒ  ගතානුගතික බවින්
දුරස් වුන ඔයත් මම වගේම හිතනවා ඇති....

මේකට විසදුමක් තියෙන්නම ඕන....
විසදුම මොකක් වුනත් හේතුව මම දන්නවා.....

ඔව් අපි දෙන්නම හොදටම අහංකාරයි...........

 ____________________________________

අලුත් අවුරුද්දට කලින් දාන අන්තිම පොස්ට් එක,
මේක පබ්ලිෂ් වෙනකොට හ්ම්........ඔව්......
අම්මගෙන් සුපුරුදු පරිදි අහගන්න බැනුම් මැද්දේ සැප නින්දේ ඇති....
නිවාඩු දවස කියන්නේ අප්පා නිදා ගන්න දවස නේ.... 
අම්මට කොහෙද ඕවා තේරෙන්නේ......

ඉතිං අම්බලමත් එක්ක සෙවනැල්ල වගේ ඉන්න, කමෙන්ට් දාන, 
කමෙන්ට් නොදැම්මත් ගොඩවෙලා යන හැම දෙනාටම,
සුභම සුභ අලුත් අවුරුද්දක් වේවා..........

Tuesday, April 10, 2012

නුඹ නැති පාළුව.....

පුංචි හිතකට ගොඩාක් ලොකු තනිකමක් දැනුනා, කාටවත් නොකියා හොර රහසෙම එළියට ආවා,
මෙන්න මුලු මිදුලෙම අමුතු ලෝකයක් මැවිලා පුටුවකුත් අරන් ඇවිත් පිණි බිංදු වලින් තෙමි තෙමි මාත් ඒ ලෝකෙට ගියා.............................................